Libérez le poète qui est en vous - Garnier

مساء الخير بنوتات اليوم جيت نقدم ليكم الجائزة اللي كنت ربحت فواحد المسابقة فالصفحة ديال 

Garnier Maroc

 و اللي هي عبارة عن مجموعة منتجات تجميل للشعر و البشرة 

صراحة ماستطعتش نكتب ليكم عليهم فالاول لما توصلت بيهم قلت حتى نجربهم و نقول لكم رايي فيهم بعد الاستعمال 

داكشي علاش اليوم انحاول نعطي فكرة عليهم للبنات للي مازال مجربوهم باش هكدا ياخدو فكرة قبل ميشريوهم

 1- Le gel exfoliant : Pure active énergie fruitée. 

 هو عبارة عن غاسول يومي منظف للبشرة فعلا رااااااائع

الحبيبات اللي فيه كتنظف وكيساعد بشرة الوجه باش تولي خالية من الاوساخ العالقة فيها طيلة اليوم كتولي جد رطبة و ناعمة

بالاضافة للرائحة المنعشة ديال البامبلوموس و الرمان الغنية بالفيتامين س  

انا كنستعمل هاد المنتوج مرتين فالاسبوع في الصباح قبل وضع الماكياج هو خاص بالبشرة الدهنية مع العلم ان بعد الاستعمال 

مكيخلليش البشرة جافة نهائيا بالعكس كتولي البشرة نظرة و مشرقة  

2- La BB crème Garnier : La classique. light/medium

هي عبارة عن كريم وجه كنستعملو في الصباح عوض كريم الاساس

بعدما كنظف بشرتي مزيان

مرطب موحد للون البشرة و كدلك هو عبارة عن واقي من اشعة الشمس بنسبة لاباس بها

التركيبة ديال هاد المنتوج فعلا زوينة و سهلة الاستخدام و لكن الصراحة اذا كان البشرة فيها بعض العيوب كحب الشباب او بعض الاثار ديالو فمكنصحش باستخدامه لانه مكيغطيهاش كما يجب و بالتالي تقدر المراة اللي كتعاني من اثار حب الشباب استعمال هاد الكريم فقط في البيت

3- Coloration cheveux, color naturals crème

6.7 chatain chocolat

هي صبغة شعر مصنوعة من بعض المواد الطبيعية بحالها بحال جميع صبغات الشعر الموجودة فالاسواق

غير هادي الثمن ديالها رخيص شوية اما اللون فصراحة انا استعملتها مرتين و ديما كنت كنكون راضية على النتيجة

فقط اللون مكيبقاش فالشعر مدة اطول من عشرين يوم

و هادي مسالة ماغاديش تعجب النساء اللي مكيصبغوش شعرهم بزاف للاسف

4- Sampooing ultra doux olive mythique

هو شامبو لتنظيف الشعر كل مانقدر نقول عليه غزال 

هو اول شامبو جربت ل اولترا دوو و صراحة عجبني بزاف 

خاص بالشعر الجاف و المتضرر و التركيبة ديالو غنية بالفيتامينات دات الفعالية في القضاء على قشرة الراس و هادي اول حاجة كنت لاحظتها بعد استعماله

ثاني حاجة الرائحة ديالو زوينة كتبقى فالشعر مدة اكثر من ثلاث ايام

 و تساقط الشعر مبقاش عندي كيفما كان من قبل بفضل استعمال هاد الشامبو

و لكن للاسف دغيا ساليتو فخلال عشرين يوم لووول

5- Apres shampooing nutrition extreme

و اخيرا هاد البلسم اللي كيتستعمل من بعد الشامبو و اللي حتى هو فعلا زوين كيكمل بدوره العمل ديال الشامبو في ازالة بقاياه و كيساعد فترطيب الشعر و فاعطائه البريق و اللمعان

كما انه كيعالج الزغبة من التقصف و كيمد الشعر بالحيوية من اجل  تصفيفه و اعطاء نتيجة مرضية في الاخير

وصلنا للاخير بنوتات كنقول ليكم شكرا على قراءتكم لهاد المقال اليوم

فرصة سعيدة